Fjölmörg verkefni á Vestfjörðum fengu styrki frá Ferðamálaráði 25. jan. þegar Ferðamálaráð afgreiddi umsóknir um styrki til úrbóta á ferðamannastöðum.

Alls bárust 146 umsóknir og af þeim hlutu 53 verkefni styrk að þessu sinni. Til úthlutunar voru samtals um 40 miljónir króna sem skiptist í þrjá flokka Í flokknum minni verkefni hlutu 39 verkefni styrk, þar af 10 frá Vestfjörðum. Göngufélag Súðavíkur fékk 150.000 krónur til merkingar gönguleiða og brúargerðar, Reykhólahreppur fékk 300.000 til sögu og náttúrufræðiskilta í Flatey.

Björgunarsveitin Ernir fékk 500.000 til viðhalds neyðaskýlis í Aðalvík,
Ísafjarðarbær fékk 150.000 til upplýsingamyndbands um Hornstrandir og 300.000 til uppbyggingar gönguleiða á Hornströndum. Reykhólahreppur fékk 300.000 til fuglaskoðunarstaða á Reykhólum og ferðamálafélag Dala og Reykhóla fékk 300.000 til þriggja söguskilta í Dalasýslu og Reykhólahrepp. Hvíldarklettur á Suðureyri fékk 200.000 krónur til verkefnisins Gönguleiðir milli byggðarlaga-söguferðir, Sigríður Guðbjartsdóttir fékk 200.000 til Gönguleiða um Kollsvík og Félagsbúið Vigur fékk 200.000 fyrir öryggishandrið við göngustíg.

Vesturbyggð og Hótel Flókalundur fá samtals 6,5 milljón
Í flokknum stærri verkefni á fjölsóttum ferðamannastöðum fengu 8 verkefni styrk þar af 3 á Vestfjörðum; Vesturbyggð fékk 2,5 miljónir til byggingar salernisaðstöðu og þjónustuhúss í Selárdal og aðrar 2,5 miljónir til byggingar salernisaðstöðu við Látrabjarg og Hótel Flókalundur fékk 1,5 miljónir til hreinlætisaðstöðu í friðlandinu í Vatnsfirði.

Í flokknum uppbygging á nýjum svæðum hlutu 6 verkefni styrk, þar af 3 á Vestfjörðum, þau eru: Strandagaldur sem fékk 2 miljónir til verkefnisins Kotbýli kuklarans, áframhaldandi uppbygging Galdrasýningar og aðstaða í kringum hana í Bjarnafirði. Áhugafélagið Raggagarður í Súðavík fékk hálfa miljón til að reisa fjölskyldugarð í Súðavík og Félag áhugamanna um Víkingaverkefni á slóðum Gísla Súrssonar fékk eina miljón til áframhaldandi uppbyggingar Víkingaverkefnisins.
Prentvæn útgáfa